ब्यायफ्रेण्डसँग रमाउँदै साम्राज्ञी !

अभिनेत्री साम्राज्ञी शाहले यस वर्ष हिट फिल्म दिन सकिनन् । ‘ड्रिम्स’ र ‘ए मेरो हजुर २’ जस्ता सफल फिल्म दिएकी साम्राज्ञीले ‘तिमी सँग’, ‘मारुनी’, ‘रातो टीका निधारमा’ जस्ता व्यावसायिक असफल फिल्म पनि दिइन् । एकपछि अर्को गर्दै असफल फिल्म दिएकी साम्राज्ञी यतिबेला भने फिल्म गरिरहेकी छैनिन् । उनी राम्रो स्किृप्टको प्रतीक्षामा छिन् । बरु साम्राज्ञी आजभोलि फिल्मका कारणले भन्दा ब्यायफ्रेण्डका कारणले चर्चामा छिन् ।

महेन्द्रनगरमा बम बिस्फोट : बाबु-छाेरा र इन्सपेक्टरसहित ३ काे मृत्यु, ४ जना घाइते

12/14

9

काठमाडौंमा भूकम्पको धक्का महशुस

12/12

8

उनी सार्वजनिक कार्यक्रममा पनि ब्यायफ्रेण्डका साथ पुग्ने गर्छिन् । केही समयअघिसम्म ब्यायफ्रेण्डका बारेमा खासै खुल्न नचाहने साम्राज्ञी अहिले भने खुला रुपमै देखिन थालेकी छिन् । व्यावसायी भवानी राणाका छोरा देवांश राणाको प्रेममा रहेकी साम्राज्ञी वीरगञ्जमा आयोजित स्वर्ण महोत्सवमा पनि देवांशका साथ पुगेकी थिइन् । सामाजिक सञ्जालमा पनि साम्राज्ञीले देवांशसहितका तस्वीर शेयर गरेकी हुन्छिन् ।

यता देवांशले पनि सामाजिक सञ्जालमा प्रायः साम्राज्ञीसँगका तस्वीर शेयर गर्ने गरेका छन् । सामाजिक सञ्जालमै शेयर गरेका तस्वीरका कारण साम्राज्ञीले ट्रोलको समेत सामना गर्नुपरेको थियो ।  यसअघि फिल्म ‘मारुनी’ प्रदर्शनअघि साम्राज्ञी र उनका ब्यायफ्रेण्ड देवांशले इन्डोनेशियाको बालीमा रोमान्स गरेका तस्वीर सार्वजनिक भएका थिए । ती तस्वीर भाइरल भएपछि साम्राज्ञीलाई पनि मानसिक रुपमै असर परेको थियो । शुरुमा साम्राज्ञी देवांशका बारेमा खासै खुल्न नचाहे पनि आजभोलि भने देवांशको तारिफ गर्ने गर्छिन् । एक भेटमा उनले भनेकी थिइन् – ‘हाम्रो पनि व्यक्तिगत जीवन त हुन्छ नि, उसले मलाई एकदमै माया गर्छ । ख्याल गर्छ ।’