कोरोनाभाइरस महामारीका कारण विश्वभरि मृत्यु हुनेको सङ्ख्या पाँच लाख नाघेको छ। सङ्क्रमितको सङ्ख्या एक करोड १० लाख जनाभन्दा बढी छ।

सबैभन्दा बढी प्रभावित अमेरिकामा एक लाख २५ हजार जनाभन्दा धेरैले ज्यान गुमाएका छन्। त्यहाँ सङ्क्रमतिको सङ्ख्या पनि सबैभन्दा बढी २५ लाख जनाभन्दा धेरै छ।

१३ लाखभन्दा बढी सङ्क्रमित रहेको ब्रजिलमा ५७ हजार मानिसको मृत्यु भएको छ। त्यसपछि सबैभन्दा धेरैको मृत्यु हुने देशहरूमा ब्रिटेन, इटली र फ्रान्स छन्।

भाइरसले दक्षिण एशिया र अफ्रिकालाई पनि प्रभावित तुल्याइरहेको छ र त्यो जुलाई महिनामा उच्च विन्दुमा पुग्ने ठानिएको छ। विश्वका कुल सङ्क्रमितमध्ये आधा अमेरिका र युरोपमा छन्।

बढी सङ्क्रमितहरू भएका देशहरूमा तेस्रोस्थनमा रहेको रुसमा ६ लाखभन्दा धेरै र चौथो स्थानमा भारतमा ५ लाखभन्दा बढी सङ्क्रमित छन्।

त्यस्तै पाँचौँ स्थानमा रहेको ब्रिटेनमा सङ्क्रमितको सङ्ख्या तीनलाख भन्दा बढी छ। रुस र भारतमा मृत्यु हुनेको सङ्ख्या कम भए पनि सङ्क्रमणको गति तीव्र छ।

Leave a comment

Your email address will not be published. Required fields are marked *